Баянцагаан багаас сонгогдсон иргэдийн Төлөөлөгчдийн Хурлын Төлөөлөгчид “Иргэдээ сонсьё” уулзалт өдөрлөгийг баг дээр амжилттай зохион байгууллаа.

2018-10-17

Мөнххаан сумын иргэдийн Төлөөлөгчдийн Хурлын төлөөлөгчдийн “Иргэдээ сонсьё” уулзалт өдөрлөг Баянцагаан багийн Бумбат, Цагаан усны хоолойд 2 хэсэг 2018 оны 10-р сарын 17-ны өдөр амжилттай зохион байгуулагдлаа.Өдөрлөгийн үйл ажиллагаанд 2 хэсгийн 67 иргэн хамрагдасан. Өдөрлөгийн гол зорилго Нутгийн өөрөө удирдах ёсны байгууллагын хуулиар олгогдсон эрх, үүргийн дагуу өвөлжилтийн бэлтгэл ажилтай танилцаж, иргэдэд төрийн үйлчилгээг нэг дороос үзүүлэх, тэдний асуусан асуултанд хариулах, гаргасан өргөдөл гомдол, хүсэлтийг хүлээн авч шийдвэрлэхэд анхаарлаа хандуулан ажилласан. Ажлын хэсгийн бүрэлдэхүүнд ИТХ-ын ажлын алба, багаас сонгогдсон төлөөлөгчид, Багийн ИНХ-ын дарга, багийн Засаг дарга, сумын Эрүүл мэндийн төв, Бүрэн дунд сургууль, Соёлын төв, Цагдаагийн тасаг, Дашчойнхорлин хийд, Нийгмийн даатгалын байцаагч, МЭҮТасаг, Хөдөлмөр эрхлэлт халамжийн асуудал хариуцсан мэргэжилтэн, Улсын бүртгэгч, Байгаль орчны Улсын байцаагч, Байгаль хамгаалагч гэсэн эрх бүхий албан тушаалтнууд хамрагдсан. Иргэд цаг үеийн тулгамдаж байгаа саналаа хэлж, иргэд өөрт хэрэгтэй мэдээ мэдээлэл шууд газар дээр нь холбогдох мэргэжлийн хүмүүсээс авч өндөр сэтгэгдэлтэй байв.