Сүхбаатар аймгийн Мөнххаан сумын Улсын төсвийн хөрөнгө оруулалтаар хэрэгжсэн 17 ортой Эрүүл мэндийн төвийн барилга угсралтын ажил бүрэн дуусаж аймгийн Засаг даргын 2023 оны 06 сарын 06 өдрийн А\356 тоот захирамжаар томилогдсон Улсын комиссын бүрэлдэхүүн ажиллаж үүрэг даалгаврын биелэлтээр байнгын ашиглалтад оруулахаар шийдвэрлэлээ.

Захиалагч: Эрүүл мэндийн яам, Аймгийн Засаг даргын тамгын газар 

Хөрөнгө оруулалт: Улсын төсөв 2.426,4 сая төгрөг                              

Барилга угсралтын ажлын гүйцэтгэгч: "Хөх хайрхан трейд" ХХК           

Зураг төсөл зохиогч: "Голомт өргөө" ХХК                                    

Захиалагчийн техникийн хяналт: Барилгын хөгжлийн төв, Аймгийн Газрын харилцаа, барилга хот байгуулалтын газар. Аймгийн газрын харилцаа, барилга, хот байгуулалтын газар.

Барилгын товч мэдээлэл: Барилга нь тэнхлэгээрээ 21,6x36м зоорьгүй, 2 давхар, төмөр бетон шугаман суурьтай, 380мм тоосгон хана хөөсөнцөр дулаалга 120мм тоосгон өрөгт бүтэцтэй, давхар дундын хучилт төмөр бетон цутгамал, 2 налуутай шувуун нуруун дээвэртэй, төвлөрсөн цахилгаан, холбооны шугаманд холбогдсон, гүний худаг, бохирын цооног бие даасан, цахилгааны нөөц үүсгүүртэйгээр, нийт 56 өрөө тасалгаатай баригдсан. Орон нутагт эрүүл мэндийн салбарын үйл ажиллагааг тасралтгүй явуулах таатай орчин нөхцөл бүрдлээ.